[معلومات العضو عبدالله الحافر الغييثي]

السلام عليكم ورحمة الله هذه بعض الابيات الفكاهيه اللتي استوقفتني وانا اتجول في عالم النت. آمل ان تنال استحسانكم ورضاااكم:

صقر النصافي يقول:

يابنت لايترب شبابي ولاابيــك= يترب شباب اللي يحطك حبيبه
عيّا زرار الثوب ياصل علابيك= منتفخةٍ كنك صميل الرويبــــــه

عابرة سبيل وموقف لها:

لي صاحب منه تبي تطلع الـــــروح=خبلٍ ومن هي مولعه فيه خبله
عامين المح له مع الجد ومــــــزوح=واقول ياعنتر تناديك عبلـــــــه
طال المدى ثم قلت انا اغليك يالوح=مجروحة جرح مخاطره عجلـه
دنق وقال انا من العام مــــــــجروح=واشّر لجرح مبطيٍ وسط رجله

وهذا صاحب سيارة اجرة :

ياماحلا الوانيت في قلة المال=في شارعٍ فيه المواتر قليله
هذا ولد بوتو وهذا ولـــــد لال=وهذا رفيق تو جاب كفيلــــه

وهذا شاعر يقول:

يابنت انا ماني براغب علامــــه=او راشد الماجد جميل المـحيّا
الله حرمني من الحلا والوسامه=لكن بخفة دم مرهـــــــــي عليّا
وابوك مزعجني بكثرة كلامــــــه=ومطّلعٍ عيب المخاليـــــــق فيّا
من يسمعه يحسبك فاتن حمامـــه= مايدري انك غصب صرتي بنيّا

ويقول الاخر:

انا وليفي طش راسي غرامه .=لولاي اكافح حبها بالبـــندول
ياناس انا هلي واحب السلامه = واموت من حب اريش العين لاحول
خلي لمع في راس خشمه زمامه = ومعلق في الحلق فضه بدلــدول
تقول قرد في روابي تهامه =يفجعك شكله لاضحك كنه الهــول
لا هوب دبه ولاهو هلامه =ماشفت مثله سيد الاحباب عصـقول

وهذا شاعر الظاهر ان خواله مصريين:

يالهو بالي ياحلي الغزالي = ازاي سنيت الهــجر للمحـــبين
يادي المصيبه يوم قربك صفا لي = جنبت عن درب السنع ليه ياشين
دابؤك احـلى من حليب المتالي =طب ليه تقهرني بلا ذنب يازين
ماتفتكرش ازاي سميت حالي =وحنيت لك حنة خلوج البــعارين
ابــسط ياعم اشيل حملي لحالي =دنتا ماتستاهلش تبكي لك العين
عاوزني اترقــاك ياهملالي=صحصح دا بعدك رجــعتي يابو وجهين
مش ممكن ارقع عقب شي مضالي= أأطع دراعي لا طلبتك تراضين
منك لله بكل هما جـــرالي =بس افتكر حتروح من ربنا فــــين
دنا حـــقيلك لاتدور بدالي= اديني العنوان ماتؤلش بـعدين

ويقول شاعر اخر في البنات المتينات:

آه مـن قلـبٍ تولـع بالمتيـنـه = وزنهـا 90 كيـلـو يابختـهـا
متنها يعطي حلى والعقـل زينـه = والسوالف كـدرر لامـن حكتهـا
الرزانه بالعشـر ابصـم رزينـه = والـدروب العـوج لله مامشتهـا
فاهمه ماهمـا الطيـش وسنينـه= والدراسه ناجحـه فـي مدرستهـا
ان تثنت مانـي قايـل ياسمينـه = وان مشت تهتز الارض اللي تحتها
وصوتها لامن حكت تسمع ونينـه = ودمها شربات محلـى سويلفتهـا
تكره البنطـال والجنـز وتدينـه = لبسها ضافـي ولايـق لطخمتهـا
وشوف عيني يوم هوشتها ذهينـه = امسكت وحده نحيفـه واسدحتهـا
النحيفه مـن بـدت هـي اللعينـه = يوم قالت انتـي دبـه واشتمتهـا
وامسكتها بنت ابوهـا هالسمينـه = وابركت من فوقها ليـن اغفصتهـا
مقديـه بالبنـت خلتهـا عجينـه = احذرن يالبيض ويل اللي ابتلتهـا
لايمي عسى العمى يمسـي بعينـه = ظالمٍ بخته وهـم ضالـم بختهـا
جيتهـا واشوفـهـا دره ثميـنـه = وياعذابي يـوم غرتهـا اكشفتهـا