السلام عليكم ورحمة الله وبركاته
ياصاح ياللي من سنه تكثر الحوم=ماتبت قدام القبر والوعيدي
تشكي علي وتقول مهيوم مهيوم=وانا تعبت اقول رايأ سديدي
أبسالك وأسمع سوالي وملزوم =الي عصى ربه تظنه سعيدي
هاك الجواب الي بقوله ومخدوم =وتلقى الاجابه في معاني قصيدي
اصحى من الغفله ترى باقي علوم =في خاطري واحيان تأصل وريدي
واردها واقول بيجي لها يوم=واليوم شمسه طال كنه بعيدي
غلطان يالي تحسب انك اطيب القوم=لانافعا نفسك ولامنك فيدي
ماتدري ان دربك مهدد وملغوم=ويرقصبك الشيطان في كل ميدي
ماتنفعك مروى ونوره وحلوم =ماينفعك غير الكتاب المجيدي
واليا اتصلنا قلت مزحوم مزحوم=وانته تراسل بنت عبر البريدي
ماردتك خشيه ولا تعرف الشوم=استحى من الله رب كل العبيدي
وبذكرك لاعاد في وجهك وسوم=ظنيتنا من ضربته تستفيدي
لكن خاب الظن والصدق معدوم=هل تنتظر ياصاح درسا جديدي!!
ابليس يدعوكم على كل محروم=مافيكم الي من شروره يحيدي
حاولتنا أصبر مير مافيني اعزوم=خذتني النحوه ورأسي عنيدي
أخاف تصبح فالسراديب محكوم=في غرفة ظلماء وبابن حديدي
ولابد ماترجع معرى بلا هدوم=في قبرك الموحش ضعيفا وحيدى