[معلومات العضو راشد سفر النتيفات]

البارحه والذيب من دم صيده مـــــــــــا روي = له عويت(ن)من فوق روس النايفات اوحياتها
اجاوبه واقول واوجدي لحالك يالقــــــــــــوي=يالي تخير في سمان الفطح لامن ريتهــــــــــا
لا شفت فعلك في زمان(ن)فات قلبي ينكــوي=وتسابق العبرات دمع العين لاهليتهـــــــــــــــا
وشلون ياذيب الخلى شكلك كسير ومنــزوي=وانت الذي ما ترجع لصيدتك لا خليتهــــــــــا
من اولا(ن)ياذيب فرسك كثير(ن)وارهــوي=واليوم عدتك الكلاب النابحات وصيتهــــــــــا
واليا عويت اعواك ماهوب هم(ن)محتــــوي=ان كان بك هم(ن)حدا ثنتين لا جريتهــــــــــــا
اما مرض والا من الجوع حالك منطــــــوي=ويقطعك يالدنيا عسى الله يخرب بيتهـــــــــــا
يا ذيب يا ذيب المساري واعتبرني لك خوي=وان شفت زولك بندقي يمتك ما مديتهــــــــــا
خوة قسى ماهيب خوة تسلي وضحـــــــــوي=واله يعلم نيتي في الصدر لا خفيتهـــــــــــــــا
خواك بدر الخالدي يومه على الخوه نــــــوي=ورجلي لخوتك الفريده مع بدر عنيتهــــــــــا
والخوه الي بينا ماهيب سلوه ورخـــــــــــوي=خوة سعد بين العرب تبقا ويبقى صيتهـــــــا
يا ذيب انا صامل على خوتك وايضا مهتوي=ونفسي على خوتك انا ياذيب قد منيتهـــــــــا

وعسى تنول استحسانكم واعجابك وعذروني في اي تقصير