انا شاعر واعبر عن شعوري والكلام اغـــلاه = علوم ماتخش مجاملات اهل الرياء فـــيها
وابو نايف عسا عمره طويل وذا فعل يمنــاه= كسبله مرجله ماكل رجـــال قدر فيــــها
جمع ربعه على هبات ريح وموقفه يزهــــا = صحيح الطيـــبه مايكتسبها غير راعـــيها
بنى بيت المزاين ماحسب ماينفقه مخـــــباه= وخلى اهل البنوك فلوسها تقعد تربيـــها
يشجعنا على وضح تراث اجدادنا واحيـــــــاه= مغــــاتير ازيان وجيه رب البيت حاليـــــها
مغاتير خفاف نفوس لامن سمعت الــــــوداه= راعيها يردع اولها ماهوب يســــوق تاليها
تراى حنى هل البل من قدايم وقتنــى واتلاه= يزين الوقت ولا شــــان والله مانخليــــها
واهل شلف مضاربها النحر والقلب والجمهاه= واهل وضح تنومسنا ونرعاها ونحميـــــها
واهل حد وسيع ماحد يقدر يدش حمــــــــاه= جنوبيها ورى الوادي الى الجودي شماليها
يسج بها القصير ومن زبنا جنبوه اعــــــــداه= وصيتنا من الشيبان وان متنا نوصـــــــــيها
وابو نايف عسى عمره طويل وذا فعل يمناه= كسبله مرجـــــــــله ماكل رجال قدر فيها
صح لسان الشاعر مقعد بن فهد الوحيمر الغييثي
ونعم والله في بن دربي ورياجيل معروفين بالسمعه الطيبه
الاخ العزيز / شبنان
تسلم يمناك على النقل الطيب والقصيده الطيبه
فهي من كريم لمستحق
تسلم تسلم