قابلت في ذالوقت حاسد وغيّار = ودرب المراجل للزلايب عسرْيا
وحطيت عيني لغلب الناس معيار = والقلب يدري بالنفوس الحشريا
بعض العرب ودك يودونه اشهار = لاجا يتكلّم تقل شارب خمريا
يجر ثوبه ناقص العقل زمّار = والعقل مامن عقل مثل الحجريا
غب البحر مليان لولو ومحّار = وياسعد منهو وصل غب البحريا
الناس صاروا بين رابح ومكّار = احدٍ ربح والقسم الآخر خسريا
وترى الردي لو حط تسعين منظار = حط الكفن جنبه وزوّد سدريا
وحتى الشعر في وصف هالنوع يحتار = ودرب المراجل للزلايب عسريا
بدر بن سلطان التمامي
وسلامتكم