الشاعر/محماس بن عايض المخاريم في ولده ,, |
ياعايض اسمع كلامي وافتهم مني =انت العوض لابدت من غيرك الخله
تنطح وجيه السنين المقبله عني =وانا لك الحيد تامن وانت في ظله
يابوك انااونست بعض الكبرفي سني =ياحيه اليا من بدى كبري على حله
ان كان يابوك جا ضنك على ضني =اضنك تشب ما تخلف عن المله
اترك شباب يدق العود ويغني =لاجاك لاهو يدق العود ويشله
يقول انا أحب درب الذوق والفني =يطرب إلى سمع صوت الطبل في الحله ..
وأترك شباب يطوفه الحل متمني =يقبل ويقفي وعمره مضيعه كله ..
يسرح ويمرح وإلى منه قعد وني =مايقدر يشب ضوه جعله العله ..
يازين يابوك صوت النجر إلى دني =يقنب كما الذيب لامن فاخته خله ..
ودلال صفر(ن) يبهر وسطها البني =في مجلس من تقهوى فيه مامله ..
سود اليالي أنا يابوك جازني =الشيب قد هو نبت في عارضي جله ..
عساك لامن كبر سنك تعاوني =ياسعد يابوك من شافك عوين له ..