بسم الله الرحمن الرحيم
أخواني الشعراء وأعضاء منتدى القبيلة السلام عليكم ورحمة الله وبركاته
أهدي لكم هذه القصيدة الغزلية بعد الانقطاع الطويل عن هذا الموقع الجمبل
عليك الله ياحب يعنيني ثلاث اسنين=تمركز بالفؤاد اللي همومه مايعددها
مشيت ودعوتي للي خلقنا يبعث الفانبن=عساها اسنين نحييها وذكرانا نجددها
يلوح البارق الساري وشوفه يبهج العينين=مخيلة لاح بارقها وسرتني براعدها
رعاك الله ياوم تعرفنا وحنا اثنين=وتعاهدنا على وصل المشاعر مانجمدها
أرد الفكر واغني وخوفي من الزمان الشين=يوقف بيني وبين الحظوظ اللي أطاردها
أعرف ان العشق يطعن ولكن مامعه سكين=يهده فالضلوع اللي من ايدينه يسددها
أسج الرجل من هم كواني والعرب سالين=وادرج خطوتي وامشي وانا ساقي معودها
عداك اللوم ياقلب يعذبه الحلا والزين=وتتعبه الليال اللي سليطه في نكايدها
مصيبه لاغدا حبك عذاب وعايش من بين=اماني وصلها ولاّ فراق منك يبعدها
تقل كني بمفارقها يتيم وعايش مسكين=وعمانه كلوا رزقه وروحه من يساندها
وتقل كني بمواصلها ملكت الحكم لي عمرين=وشعبي حن من حبي وكلماتي يرددها
غفيت وصورته قدمي ولكن وين ابسلى وين=سهيروكل خلق الله تهنّت في مراقدها
فلا نشفق على الدنيا ياكود بشوفة الغالين=بهم نرتاح والضيقه من الايام نطردها
حباها الله من نعمة جمال يعتريها ولين=ولها وصوف تعنيني ليا من جيت ابسردها
تشوف اعيونها تنظر جمال بان في لونين=سواد الليل مع شدة بياض اللول حددها
وتشوف الموت لاثنت مبيسمها مع الخدين=وتذوق المر لافلت على الامتان عسجدها
ولا مدت علي يدها تعرفون الحرارة وين=يفوح القلب والعلة حرارة من بطن يدها