تقطــــّـــــعّ من معاليقه فؤادي وأنجرح وانصـاب
على طير (ن) صــدح صوته وغنىّ الحزن لأغصانه
لقيته في الغصــــــــون المورقه وحده بدون أحــباب
دريت انه مفارق والمفارق يســــــــــهج الحـــــــــانه
وقفت وقلت في نفسي غـــــــريب وصادفوه أغراب
وأنا واياه مثل المستجير امفارق اوطـــــــــــــــــانه
عرفت ان الحياه بكبرها مثل الســــــــطر بكــــــتاب
يحل الليل ويعسعس ظلامه بأتعس الــــــــــــــــوانه
انا ياطير مثل العاصي اللي م الهـــــــوى مـــا تاب
يموت وكن قلبه خارج (ن) من بين ضلعـــــــــــــانه
وانا ياطير كلمه مالها خانه من الاعـــــــــــــــــراب
ودمعة حايره في عين من تاهت به ازمـــــــــــــــانه
وأنا ياطير مثلك في الهوى من عالي المرقــــــــاب
أجر الصوت م الفرقى وقلبى ضاع برهــــــــــــــانه
وليفي غايب (ن) لكن بقلبي حاضر(ن) ما غــــــاب
زرعت محبته في قلبي المضنى وشــــــــــــــــريانه
وخلاني كما عينك تشوف الحال دون اســــــــــباب
طريح وجرحي اكبر م الخليج وصعب نســــــــــيانه
تعاهدنا ولو جار الزمان وغـــــــــلقت الابــــــواب
وضاقت الارض ما باقي عليها لجـــــلنا خــــــانه
نصون العهد والميثاق في الدنيا بدون حســـــاب
وبس الموت وحده ذا يفـــــــــــــرقنا بمـــــــيدانه
نعيش على البسيطه مالنا طالب ولا طــــــــــــلاب
ولا فينا مدين (ن) يســــــــتحي لا شاف ديّـــــّــانه
طموح العاشقين وحبنا انقى من هميل سحـــــاب
يسوقه للديار المقـــــــــــــــحلات الله سبحـــــانه
مما راق لي ,,