مرحبا مظمونه المسك والكادي معه=مرحبا وعداد ماهل هتان الغمام
بارجال الي تضد الزحام وتدفعه=الدواسر صلب جدي ومبداها سلام
لالفانا جاير الضيق يبشر باسعه=مايحسه من عنا الوقت مثقال الجرام
ترخص لعيناه الارواح والي نجمعه=ودون حق الجار نارد مواريد الهيام
الشريف اقبل يبي الجار جيشه يتبعه=مالقى الى الموت دونه ومصقول الحسام
يوم ناصحه المناصح وعيا يسمعه=واستبد ابرايه الشين ماطاع الكلام
وادعت روحه جسدها وحصل مصرعه=وصارقبره شاهدن له الى يوم القيام
والدويش الي يحسبن ربعه تمنعه=يوم جانا يطلب الفود يحسبها سلام
ماقتنع ايلين موته هوالي اقنعه=واوجوده يوم هالو على قبره ردام
ضربنا في الراس والقلب تلقا موظعه=بالكريزيات والهند قصاص الحام
وانت يلي تطلب الطيب ربعي منبعه=ورعهم حاز المراجل وتوه في الفطام
اشهد اني بتنومس وراسي برفعه=بالرجال الي علي الطيب مرقاها سنام