[معلومات العضو محمد الجبريني]

المشاركة الأصلية كتبت بواسطة محمد الحضيري

يادمعة الغالي على فراق غاليه=سيلي وخلي صورته في عيوني
جرح العذاب الي من الوقت خافيه=ستر الحزن صالي ياناس ارحموني
بديت انا غالي من الناس معطيه=روح القصيد الي له الشوق عوني
ياطير في سطح الفضا لك تلاقيه=حول على غصن اللقا لو نسوني
ويانجم روحه في الليالي احاكيه=مجلس خياله في ضلوعي جنوني
لو اسأل الكلمه وش الي تبي فيه=جف الحبر يتبع غلا من خذوني
يروي غرامي ساقي الزرع وراعيه=عانقت من يذرف همال المزوني
ان امطرت دمعي ولو كنت جافيه=وان اجحفت جرحي ولو عالجوني
يامركب(ن) جافي مراسي موانيه=وعلى سواحل رحلته ذكروني
في كل عام امر بيته واناديه=واسمع صدى صوته يردد لحوني
واسهر وبيته من القصايد اجاريه=لوشاب قافي والقصايد جفوني
يوم اندفن قلبه له الشوق يعزيه=وباقي ضلوعي مع صميمه ادفنوني
اضحى الغرام حاكم لو العذر قاضيه=وياباقي الاحزان في قلبي اعذروني

وسلامتكم


محمد بن حسين الحضيري

الشاعر
محمد الحضيري
صح صح صح السانك
تقبل ودي واعجابي وتقديرري