[معلومات العضو خالد المشاويه]

السلام عليكم ورحمة الله وبركاته

هذه قصيدة قلتها يومني في البر

وكان هناك نوع من التحدي وان اكتب قصيدة ويجاريها احد الأخوة

لكن الظروف حالت ولم يتم اكمال الأتفاق وهو المجاراة ولكن اعدكم ان انزلها فالمنتدى اذا كتبها الطرف الآخر





القصيدة

ابدا بذكر الواحد الخالق الحق= متكفلٍ برزاق كل المخاليق
ربٍ كريم ٍ بامره السحب تبرق= وبامره يوسع صدر من يوجس الضيق
وبامره تغيب الشمس من وجهة الشرق= في حزة كل البشر ناشفة ريق
غنيت ابالاحي غناويك يالورق=وهاض الخفوق وحان بدع الطواريق
في وصف وضحٍ كنها النور لاشق=الله يعديها عيون المطافيق
لاشفتها وسط الفيافي تلاحق= لابد ماتشعف قلوب العشاشيق
خرع الأذاني والسنام امتفهق=كبار الجروم منومسات المطاليق
نحورها كالباب لاصار مغلق=طوال الرقاب اعلى المباني بها تويق
وخشومها بان الرقيعي بها دق= ولون وبرتها مثل لون الغرانيق
جلال العضود اللي عن البوش تفرق= اللي غلاها بين حدب المعاليق
وحسين (1) مالكها عسى يومي يسبق= يومه وهو رجلٍ يفك المزانيق
قرم ولد قرم على الضيف يشفق= صيته شهر من فوق روس الشواهيق
ابومحمد كنه الغيم لا اطبق = خيرة يعم الناس من دون تفريق
وختامها صلو عدد ماتسابق= نوقٍ على قطف الزهور الزماليق
صلو على محمد وهو خيرة الخلق=نبينا اللي مامشى بالتلافيق

1- هو خالي حسين بن محمد الحضيري المشاوية