يا شين طبعك .. ويا شينك ويا شيني
ويا طول صبري عليك وقوّنـي والله
كسرت لك خاطري وأسهرت لك عيني
وإلا أنت عينك تنام وخاطـرك فلـه
أنا ذبحنـي غيابـك وأنـت جافينـي
والحال من غيبتـك تشكـي ومنسلـه
وعليك قلبي ورى الأضلاع مشقينـي
ما باقـي إلا تشـق الصـدر وإتلـه
جمعت لك حبْ سويتـه مـن سنينـي
عل العمر ما بقى بـه يحتـرق علـه
وإشتقت لك .. لجل أعيشك فرحةٍ فيني
وملعون أبوالشوق صارت علته علـه
قربك فخر .. عن جميع الناس مغنيني
ياما حكوا في غيابك من جهل .. خله
وخليتهم .. لجـل عينـك لا تخلينـي
لا يبعـد كـل زيـنٍ معجبـه ظلـه
ما همّني الغير .. غيرك مـا يعنّينـي
لجلك .. قطعت الوصل بالكون ذا كله
وهذا أنت .. لك مدةٍ مبعـد وناسينـي
ماهوب حقٍ ٍ.. ولا شرعٍ ٍ.. ولا ملـه
بعطيك فرصة ثلاث أيام .. وتجينـي
وإن جيت .. بتشوفني كيف أدمح الزله
وإن كان طولتها .. أرجوك تعفينـي !
غيرك يبيني .. وأنا مانيب كرهٍ له !!