بسم الله الرحمن الرحيم
قال ابو مبارك بقاف ٍ يشوق السامعين
0000000000 والقوافي تو ما زان له عدالها
مرحبا ً الفين بضيوفنا اللي حاضرين
0000000000 عدما هل المطر من صدوق خيالها
ومرحبا ً عداد نجم بسما نجد ٍ يبين
0000000000 ياشيوخ ٍ والسعد دايما ً يبرى لها
عندنا ذا الليل عيد بقدوم الغانمين
0000000000 الرجال اللي تسرك جميع افعالها
الدواسر هم هل المرجله في كل حين
0000000000 كاسبين المرجله والردي ما احتالها
إنشد التاريخ ينبيك عن ماضي السنين
0000000000 إنشد التاريخ عن دقها وجلالها
وان تشب الحرب ويضيع فكر العارفين
0000000000 الدواسر في الحرايب يزيد اشعالها
مرخصين اعمارهم والعدو غصب ٍ يلين
0000000000 يكحلون سيوفهم من دمى عيّالها
بنت ياللي تنقشين الحناني باليدين
0000000000 ياعنود ٍ خدها مثل لمع سلالها
شومي الحر ٍ شجاع ٍ وهيف ٍ للسمين
0000000000 والمراجل عادته دايما ً يسعى لها
محمد مبارك ماجد آل ناهش
[ أبو مبارك ]