السلام عليكم ورحمة الله وبركاته
رائعه لها وقع خاص
اتمنى ان تصل لمستوى الذائقه
سجد قلبي على رمل الظلوع وهزه التنهيد =وانا في قلبي خيام الندم والخوف منصوبه
يارب أفهق هلاكي والمنايا والدروب بعيد = مادام المودماني للتراب تقوده دروبه
يا غياث الظوامي والثمام وجرهدي البيد = أعذني من جهنم والحشر والموت وكروبه
أنا ما نيب لا مشرك ولا فاسق ولا عربيد =انا اللي عصى وأخطاء تجهم وأقلقه ثوبه
أنا عبدك ولد عبدك وجداني هل التوحيد =خطاي أخجلتني يالله الغفران والتوبه
وأنا اللي يرتجف مثل ارتجاف الخايف الرعديد =اذا شاف القبور الضيقات وحس بذنوبه
انا الانسان حمال النقايض والكمد والكيد =غريق الطين واللذات من راسه لعرقوبه
انا عبدك ياربي وانت تفعل ما تشاء وتريد =سألتك يالله بعفو عظيم وهين دروبه