ودعتها والقلب ينزف دمعتي
ودعتها والدمع يجرح خدها
ودعتها والحزن خالط زفرتي
ودعتها و الايد يصعب مدها
حبيتها ومقدر اصارع محنتي
ببكي لان الوقت ندي وندها
ساكن امارات ٍ اعاني وحدتي
والقلب والتفكير بقبضه يدها
رسلت للغالي قصايد شكوتي
ومن بعيد هناك جاني ردها
تقول في ردي بقايا عبرتي
انسى حبيبي دام ربك سدها
وزادت بي اللوعه وزادت علتي
لا يا زمن والله مقوى بعدها
ياللاسف بالحيل خابت هجوتي
مدري الزمن هو ضدي ولا ضدها
ماكنت اظن ف يوم تشقى حالتي
محروم منها ومن لطافه يدها
اشره على وقتي وقسوة دنيتي
وصمت البعد لي هد حيلي وهدها
ابقى مع الاوهام هذي حيلتي
واسهر مع لنجوم احصي عدها
اصرخ بليلي اصيح يا محبوبتي
يا من سلبني مهجتي واقتادها
هي منوتي روحي عذابي وراحتي
مالي حبايب قبلها او بعدها
من ذكرى هالايام سالت دمعتي
مقوى على جروحي ومقوى ردها
هذا زماني قادني لنهايتي
كتبوا على قبري الحكايه عندها
ابي لشاعر\حمد السعيد