[معلومات العضو حسن بن بطحيه]

[size="5"]

السلام عليكم..
ماطرحت شاكر متابعتكم فخورا بتواصلكم..

[/si

في نظرتك للشوق ياشوق مرسول=وفي شفتك معنى قصيده جديده
وردي شفاتك بأعذب الهرج معسول =من دون قاف وبحر تكتب قصيده
كل البرائه ترتسم فيك وتقول=كنها تبشر بالحياه السعيده
رهيب ماشفته ولاهوب معقول=طاغي انوثه والمفاتن فريده
يامستحل القلب بالعرض والطول=ماعاد لي بالوضع راي وعقيده
وشلون اقاوم فتنة العصر لاحول=والمغريات الفاتنات العديده
وخرس العيون تقول وتصول وتجول= بجيوشها واللي تواجه تبيده
شوقي فضحني مابقى شي مجهول=ناتج قصيدي عن مشاعر اكيده
شوق طغى بالوجدمن فيض هملول=اتسوقه ارياح الشمال الشديده
يجتاح سيله كل وديان وسهول=قاع الحنايا الجرد والله يزيده
عليك يامن كل شي منك مقبول=احييت نفس قبل حبك هميده
قصايد الاشواق يبقى لها افصول=بس اختصرها لك بجمله مفيده
مانختلف بالحب فاعل ومفعول=عاشق وحيد وعاشق له وحيده