تل قلبي تل مزوي العراوي = غرب زراعن محاصيله زرعها
ارتبع سانيه بالحبل الرهاوي = لين قص عراه والقامه قلعها
وبري حالي برية الغصن السناوي = في مشاحي من جمعها واتبعها
منك يامدمي محاجير الهواوي = كل عله تعترض لي وادرعها
ان بديت براس مرقابن خلاوي = قمت اقيس قيود رجلي واقتطعها
وانت لارحمه ولا خفاق ياوي = تسمع الونه تقل ماتستمعها
معتدل مياح ذباحن سحاوي = ذابحن راعي الجنازه متبعها
لد في بحجر عيون النداوي = كلمتي مليانة صدق استمعها
لاتجاهلني تحسب اني غناوي = الغناة الي بدونك وش سنعها