بسم الله الرحمن الرحيم ,,, السلام عليكم ورحمة الله وبركاته
هذي قصيده قلتها في خوالي يام واتمنى ان تعجبكم :
اسعفيني يابيوت الشعر للموقف مقام=موقفي يحتاج فزعه منك بالمعنى الجزيل
امطريني ياالمعاني الجزل بالشعر الهمام=موقفن لابد مايكتب على الشطر الطويل
في صناديدن يطولون الطويله والغمام=في مشاكيلن يعشقون الصعيب المستحيل
يام وافخر لامن قلت هم خوالي صلب يام=يا طحاطيحن مناعيرن على الفزعات سيل
يازحولن في المواقف جاهزينن فالامام=صاملينن مرتكينن لاحصل فالوقت ميل
اهل نخوه واهل فزعه على الوقفات هم قدام=وهم درع للدّار الحصين وضد اللي يعيل
وهم هل العادات واهل العز حيينن كرام=جيدينن حافظينن للسلوم وللفتيل
فتيل قدحات الزناد اللي يزهب فالحزام=واهل المشوك والقنا واهل الجنابي والصقيل
كبيرهم يطرب على فعل المراجل باهتمام=وصغيرهم تحسب له حساب ويساوي الف جيل
ورجالهم تعرفه من بين الاوادم والزحام=له نظرتن تطغى على قلب الذليل ابن الذليل
وتلقا صبيهم لاتكلم في معزه واحترام=وإليا نصيته فالمواجب نذر ماتصبح عليل
مهما يطول المدح وتطول القصيده والكلام=في مدحة رجال المواقف صار في عيني قليل
ونا مالي طيب في مدحة خوالي صلب يام=ولا يوفيهم قصيدي لو بالمعنى الجزيل
حق القبايل عالين فسلومنا ذروة سنام=ولايحفظ حق الرجال وفعلها غير الاصيل
ونا ولد زايد من رجالن مشاكيلن حشام=من لابتن تطرب لصوت الحرب وتحفظ الجميل
وسلامتكم ,,,,,