عن ماجرى كرمت فكري وماطـاي=لوقيل مخطي قلت ماهـو خطايـه
ياكبرها لوقلـت ياصاحبـي بـاي=انا اشهد ان بعض التعارف جنايـه
عن معرفة بعـض العرب بقطـع رشـاي=وسوق رجلي من خـلاي بخلايـه
الرجل ياخذ من هل المعرفـة راي=لاصـار مايغنيـه فكـره ورايـه
وانا على درب الوفى تمشي اخطاي=روم العلا من صغر سني اهوايـه
اعرف نجوم الليل ماتـاه مسـراي=واعشق فضاء قاعٍ الحافي سمايـه
عن مارد مدهال رجلـي ومطـاي=حـرام ماينـزل بجالـه رشـايـه
بنصا العدود اللي بها راهي المـاي=بها على نهـل الضوامـي رهايـه