أخي الكريم حزم الظامي
حطوا شرط في حال تعثر البرنامج التدريبي الصحي المشترك بين وزارة التربية والتعليم ووزارة الصحة
اللي يشوف يقول ان برامجهم ناجحة ...لا والله أن برامجهم فاشلة ...
يعني مثلاً اليوم سووا لنا دورة عن هذا المرض وطالبوا بتوفير كمامات في المدارس
تكفي لاستخدام الطالبات ومنسوبات المدرسة ...وطالبوا بعدة أشياء يجب توفرها
في المدرسةطيب بعض المدارس ماعندها ميزانية خاصة وان الى الان
لم تبدأ الدراسة وخزينة بعض المدارس فارغة !!!!
من وين بيجيبون هالطلبات هذه ...مين اللي بيوفرها !!!
لا وأزيدك من الشعر بيت مديرة الاشراف اليوم تقول لنا احنا مانقدر نطبع لكم سيديات
200 مدرسة مانقدر نوفر لكم ماعندنا ميزانية !!!!!!!!
ولو صار عدد المدارس 100 بنقدر نوفر لكم لكن عدد المدارس 200 ...!!!!!
لكن بنطبع سيديات على مجالس الحي وهي بدورها تطبع وتوزع ..!!
وأنا أقول ...( لو فرضنا السي دي ب10 ريال بيكون المبلغ 2000 ريال)
وين يبون دوراتهم وبرامجهم التدريبية تنجح إذا كان هذا كلامهم وهذا ردهم ؟؟؟؟
والله لا يوريكم على المكان اللي أعطونا فيه البرنامج !!! أحنا قلنا جايين ناخذ دورة عن
المرض بنطلع من هالمكان حاملين هالمرض !!!
مكان مكتظ بالمتدربات ...حر ...رطوبة ...روائح كريهة والمكيفات تحتضر لو يبيعونها في
سوق الحراج ماحد يشتريها !!!
وآخر شيء مديرة الاشراف كلمتها كانت عن العلكة ليه لأنها رأت متدربة تمضغ علكة
ومعاليها كانت تتكلم الآن احنا جايين نتدرب وناخذ دورة عن وباء عالمي منتشر وأنتِ جاية تقولين علكة !!!!
من وين بتنجح دوراتهم وبرامجهم ؟؟ قولوا لنا بالله عليكم !!!!
وبخصوص فتوى بعض المشايخ وكبار العلماء بعدم جواز بدء الدراسة قبل الحج
تلافيا لانتشار مرض أنفلونزا الخنازير بين طلاب التعليم العام وأعضاء هيئة التدريس،
ورغم هذا رافضين التأجيل !!!
ليه هذه الفتوى بالذات مايبون يتقيدون فيها ؟؟
سبحان الله ...لأنها ماجات على هواهم...
لكن مانقول إلا لنا رب العالمين ....هو عز وجل اللي بيحفظنا وبيحمينا وليست دوراتهم
وبرامجهم التدريبية الفاشلة...هي اللي بتحمينا !!! ولا حتى لو تأجلت الدراسة !!!
أحنا نبي إيجاد حل بطريقة جدية !!! اللي نشوفه قدامنا انهم يبون اي شيء يسوونه
علشان يقولون ها شوفوا أحنا سوينا !!!
لكن أرجع وأقول مالنا إلا رب العالمين...
ويعلم الله الغصة اللي نشعر بها جميعاً لإحساسنا أن أرواحنا ليس لها أي أهمية وليس
لها قيمة ...بينما نجد أن لها قيمة كبيرة في الكواكب الأخرة ومعظمكم يعلم !!!
تحياتي لك عزيزي حزم الظامي وأشكرك من كل قلبي على اتاحة الفرصة للتحدث في هذا الأمر...
بارك الله فيك