اولا:اشكر ابن عمي خميس بن مطر على نقل بعض قصائدي لكم
ولاهي غريبه على ابومطر العلم الغانم
ثانيا:اضع بين يديكم هذه المتواضعه ارجوا ان تنال استحسانكم
سلام تسليمتن ماتخلف النيه=على شريعة محمد ما نغيرها
تنصاك مع نفحة النود الشماليه=مرسولتن صوب رجالن يقدرها
عهدن علي لو جليت من السعوديه=ماأخون ربعن على الطولات خابرها
لوعشت مابين خشم الذيب وألحيه=وصروف الايام ورتني عبايرها
ماتنحني روسنا وأمجادنا حيه=ناطا على النار لو شبت سعايرها
لعيون خيالة الوضحا السنافيه=عند الغييثات تزهاها فقايرها
الوضح في هيبة أبن أغياث محميه=الخيل من دونها تقرع حوافرها
أنصول تحت السما وأنخبط الارضيه=ونصحي أهل المقابر من مقابرها
وبيوتنا في شعاف المجد مبنيه=مهما تهب الهبايب ما تطيرها