[معلومات العضو محمد بن سالم الخضراني]

المشاركة الأصلية كتبت بواسطة عبدالله بن فهد

هذه بمناسبة استقبال الملك ابناء شهداء الواجب

يادرةٍ مصيونة بين بحرين =محكومةٍ بالدين شرع وعداله
يادار حنا لك على العسر واللين = نفديك بالارواح حب وبساله
في موقفاً يعطي البرايا براهين = موت الشرف ماكل حيٍ يناله
ابن الشهيد ايعيش بالعطف واللين =وعطف المليك اللي بخير سعاله
ماكل دمعٍ ينثـره محجـر العيـن=يعطيك من ضمن الدلائل رسالـه
الى دموع اللي حمى الدار والدين=بلسم جـراح وللتواضـع دلالـه
دمعة ملك صارت غلاف وعناوين=والشعب حبه من جنوب وشماله
عينه على شعبه من يسار ويمين=صقر العروبه كل حي دعاله
جم التواضع معتنـي بالمساكيـن=تنفق يمينه مادرت به شماله
خادم بيوت الرب طلق الحجاجيـن=من خوف ربه شال لفظ الجلاله
حكمه بشرع الرب ماهي قوانيـن=تكرم يمينه عن دروب العماله
ياما سعى بالصلح وانفق ملاييـن=يشري رضا العالم بغالي حلاله
الصف واحد مانبي الصف صفين=ونبعد عن اسباب الغلو والجهالـه
ياسيدي من باب لندن على الصين=انتـه كمـا نجـم تعلـى الحالـه
وختامها بالمسك وقـول شييـن=لله ثـم الديـن ثــم الـولآلـه

ابوفهد تسلم يمينك ويسلم منطوقك وصح لسانك منا الى يوم الدين . بدون مجامله قصيدك مافيه كلام وجزل وجايزلي واجد لاهنت ودام لنا بوحك تقديري وحترامي