الله يعتـق خبـرة اعتـقـوا فلـحـان=مـن النـار لا شبـت سعايـر لهايبهـا
أهل فعولا ماضية مـن علـى الجـدان=أفعالهـم كـل القبايـل اتهـرج بـهـا
تاريخهم مشهور من عصر بـن بـدران=وأفعالهـم تتعـب قلـم مـن بيكتبـهـا
شيوخا عيال شيوخ من ماضي الأزمـان=كـلا يبـي الشيخـة ومربـع هبايبهـا
لالحقوا البـل عـوّد الخلـف للحيـران=لاسمع "هيـلا" كـل مدغـوش يندبهـا
ظفران لا منهـم تعلّـو بنـات حصـان=وهل سربة فـي الهـوش كـل يجنبهـا
يشهـد لقولـي هيتيـن علـى العتبـان=فضوا جرة ابن حميد واخـذوا كسايبهـا
وتشهد لي الدوشان في سالفـة مـروان=شلفـاه كـلا عارفـا عـن مضاربهـا
الأخ العزيز الغالي أبو عبدالمحسن المسعري
بيض الله وجهك يالقرم على ذكر هذه السالفه الطيبة لبني عمنا
ولاقصرو الربع اللي توجهو على آل بريك يوم توجهو لبني عمهم
وجعلهم يسلمون الربع اللي ألفو عليهم عطوهم وأعتقو رقبة المخيريمي
عزالله فعلٍ غانم وليس بغريب على الدواسر
وصح الله لسان الشاعر بخيتان بن ضافي المخاريم
لاهنت ياذيبان جعل حياتك طويله على العز والطاعه
تحياتي العطره لمقامك العالي
محبك ومغليك : دغش البطي