قصيده وصلتني من احد زملائي ويستفسر عن صاحبها وهي قصيده عجيبه |
يقولون الخوي : رجـلٍ تجيـه بساعـة الشـدات=وانا اقول الخوي : رجلٍ الى من ضـاق ماجانـي
لانـه خابـرٍ عسـر القوافـي يجبـر الابـيـات=لذلـك يحسـب حسـاب المعانـي يـوم ينخانـي
خويا" مادرى يسكت ويفهمها على ماجـات=وخويا" لو درى يمكـن بيلعـن جـد شيطانـي
وخويا" شايف ويدري ولاهو مـدور الـزلات=وخويا" مايبـي يـدري ولاادري ليـه عادانـي
ويقولون الزمان اللي تغيـر ماهـي العـادات=وانا اقول : الزمن هذا خـذا ربعـي وخلانـي
مـع اللـذات بالدنيـا تطبـع حبهـم لـلـذات=تغيـر كـل مفهـوم الحيـاة لجيـب مليانـي
زمن يرفع ثمن حتى الكفن مـن كثـرة الامـوات=قريباً ... نسمع بموضة ( كفن للمـوت افغانـي )
عشان ادم غلط يعني ؟؟ نتساهل باكثـر الغلطـات=بـدى يخطـي النبـي آدم بحجـة آدم الجـانـي
محد يذكر أحد بالخير .غصب الآدمي .. لامات=تشوف الخلق يطرونه مع انه مـات وحدانـي