اخطيت امعاك يا سمح الرفق
عليا لوم وعندك الف حق
الحق معاك لو انزيد لومك
من غلاك
شىء اكيد انا غالط امعاك
وما نزعلش من كلمة الحق
وحتى انكان متباعد جباك
ودونك قور وجبال وحلق
حق الله ما نسيتا غلاك
فى وسط الدم فى عروقى دفق
ويخطر وين ميعادى معاك
وتبقى النار فى جوفى اتشق
ونصحى بشوق نرجى فى نباك
لين الشمس يكسيها الشفق
ولو انزيد لومك من غلاك
والى هناك حطه فى الطبق
وشىء اكيد نا غالط معاك
وما نزعلش من كلمة الحق
وكانى متت وما نلتش رضاك
قبرى زور تلقى فيه شق
وما ظنيش ترضى فى مناك
موح وياس وهموم وقلق
كلام الناس ياغالى فداك
القايل قال والصادق صدق
الله كريم يسعفنى بلقاك
جنان ايفوح وينبت ورق
يا سمح الرفق
عليا لوم عندك الف حق
اخطيت معاك
و سلا متكم