قصه وقصيده للامير شيبان بن قويد رحمه الله
يقول الامير مران بن قويد ان الملك عبد العزيز بن عبد الرحمن ال سعود رحمه الله
بعث رساله لقبيلة الدواسر وللفارس الامير شيبان بن قويد تحديدا للمشاركه في فتح
الجنوب
وامتثل لامره وشارك على فاطره وكانت سمينه شارك بها في تلك الفتره
ومن هول المشاركه ( يعني في الحرب ) ظهر على الفاطر النكوف والهزال
فتذكر شيبان بن قويد حالها قبل الحرب ( يعني يوم كانت سمينه )
وانشد
لي فاطر ٍ نيها فيه الشحم واري = ركابها لابغا فج ينوي به
سرنا عليها سمين ٍ وانكفت عاري = في لازم الحاكم اللي جت مناديبه
كم ليل غدرا عليها فالخلا ساري = لا خلف اللاش يبغي حرمة صحيبه
كم وردت منهل ٍ عقب العرب صاري = عاف ٍ جنابه ويباس ٍ مغاريبه
يا زينها لا عفا داهومها الذاري = مع مربع ٍ خالي ٍ جر العوا ذيبه
معنا من الكشف صنعة كافر الناري = تشلا المظابير ما تبرا مضاريبه
وسلامتكم