عشان ما تزعل عطيتك خيارات=و إلا أنت معطيني خيارٍ أحادي
مستفردٍ بي ما تهنّيت فترات=نشرت حلمي مثل نشر الجرادي
ما نيب من يطرد دراهم الإمارات=ردّيت عن درب المهانه جيادي
منزّه شعري من أهل الشّعارات=ما خذت من ذات العماد إعتمادي
أبشر بفزعاتي نهار المثارات=ما تلتقي مثلي بروحه يفادي
حبيّ بعثته من قديم الحضارات=لا من نقص غيره مع الوقت زادي
كم لي و أنا ألمّح لمغزى الإشارات=أشقيتني ياللي مع الغيّ غادي
أسهر لحالي مع نجوم المدارات=لا من غفت عينك بحلو الرقادي
أرجوك يكفيني همومٍ و حسرات=وش له تعذّبتي و تجرح فؤادي
من شانّي معطيك كل الخيارات=أبصر و أنا بأصبر لذيك المبادي