الله اكبر والله اكبر كيف تنسى من يحبـك=كيف تنسى ياحبيب الروح عهدن ماوفيتـه
الليالي نورتلي درب فـي حبـك وقربـك=كم ليلٍ لجل نور العيـن ياخلـي سريتـه
انت ماتدري عن اللي قدمه قلبـي لأجلـك=قدم سلوم الهوى لكنـك بغـدرك كويتـه
صرح شامخ قد بنيته وانهدم بسباب جهلك=الوفاء معطا الحبايب وانت ماعمرك عطيته
شمعت العشاق طفت نورها والعلم صـدك=بانت خطوط النهايه وآه من حـبٍ بنيتـه
ابتدينا وانتهينا وآه مـن حلـوك ومـرك=الفراق اخر نتيجه في هواك اللي طويتـه
بنصحك ياعشق فايت كان جالك في محلك=عشق صادق لاتخونه واذكر اللي قد نسيته