من ينكر المعـروف هـذاك هافـي
ما ينكر المعروف يـا كـود جحّـاد
يبقى الوفا لأهل النفـوس الخفافـي
اللي وفاهم من على عصر الأجـداد
رد الثنا واجـب علـى كـل وافـي
واجب على من يعرف اسلوم الأجواد
ومنهو وقف وعزوم نفسه ضعافـي
ما يعتلي للطايلـه بيـن الأشهـاد
المرجلـه ضلـعٍ طويـل ونـافـي
يرقاه منهو روّض النفـس بجهـاد
ماهيب هرجـه بالرخـا والعوافـي
يقولهـا مـن جـا يبيهـا وتنقـاد
المرجلـه نهـرٍ بعيـد الضفـافـي
يتعب به السباح فـي كـل ميـراد
والطيب لهل الطيب مابـه خلافـي
ومع التجارب ينكشف حـد الأمـداد
صح اللسانك على هالباذخه
سلم لنا احساسك وفكرك
وفقك الرحمن لما فيه الخير والصلاح
فائق احترامي وتقديري