ياسعود ليـل القــدر=شوف الفيافي هنيه
نجد كسـاهـا المطر =مـن مزنـة عقـربيـه
نوه نـشـا وانتهـمـر=جروح سيله هميـه
منشاه يجـلا النـظـر=عقب السنين العتيه
ان مـــر والا حـــدر=صباب وبـله ســويـه
دعوة توالي سـحـر =من عـند رب البــريـه
بـروق لـيـله سـفـــر=الليل شمس ضحويه
مقدم حــقوقه ظــهر=تقــول ســقيا ركــيه
عشبه بساط خضـر=ريف الغنم والمطيـه
صوت ام سالم شهر=بـالحاــنـهاجاذبــيه
ياسعود يبقىالشكر =لله صبح وعشــيــه
عطنا جلال السـمر =في روضة مهمهيه
وارك الدلال الصـفر=واظـبط لناالشاذلـيـه
ياسـعودثاني الخبـر =امـجــادنـا اليــعربـيــه
قـرارفي المــؤتمــر =من مـملكتــنا الابيــه
هذاابومتعــب جـهر =حل الوضـع والقـضـيـه
داوى هموم الصـدر=عـاش الملـك للرعيــه
ياديرة ازكى البـشر=ديرة محــمدنــبــيه
احـفاد علي وعــمر =وارجال نجد العــذيه
حـماك رب البـــشر=من كل شر وبليـــه
الشاعر القدير نادر الناهشي
صح لسانك على المجاراه الجميله للشاعر والاعلامي المتميز حجاب بن طايع
يعطيك العافيه على الطرح الرااااقي
تحيااااااااااااااتي