[معلومات العضو غلا نجد]

من دون مقدمات





شاااااااااااامخه






راقت لي ولو اني ما احب هذا اللون





صح اللسان شاعرتها وجاد بيانها





من ارشيفي





اترككم معها

تكفيني اللوعة وترديد الاعذار =خلااااااص يكفي ما اتحمل كفايه
ما ينفعك عذر ولا عذب الاشعار =مهما كتبته لي بحب وعنااايه
مهما تقدم لي من عطور وازهار =مهما سكبت الدمع ترجي رضايه
هذاك الاول نخفي الويل بستار= وأدمح لك الزله وأخفي عنايه
أغيض عذالي كبيرين وأصغار =وآقول يالحساد خلًو منايه
ينقال مخطي بس أنا آقول وش صار؟=خلًوه يخطي يكفي أنه هوايه!!
أشرد بذهني بينهم هو والافكار= يا كيف لك ياشوق أوضح غلايًه
حكي العواذل يعتبر عندي أصفار =على الشمال وما أستمعت الوشايه
أشري رضاك ولو تغلا بالأسعار= ادفع حلالي لك وغالي عطايه
أحفظك في عيني ولو طالت أسفار =وأفرح ليا شفتك واعلًل ضَمايه
اشعل شموع الحب اعطر لك الدار =اكتب من الابيات وأضوي سمايه
اهدم حوااجز وانت تبني لك اسوار=افرح لفرحك ما يهمك عنايه
وآضيق يوم ألقاك ضايق ومحتار=أشيل همك فالضلوع وحشايه
أسست لك في القلب مرسى للابحار= وكونت لك في روحي اعظم ولايه
اعلمك ترمي تراديد وامرار =وبعدها قوا حالك وعكست الرمايه
هذا جزاي أجنيه وأقطف له اثمار =( أجني الغدر وأجني فداحة غبايه)
اخلصت لك حبي وأثار بك مختار =(غيري تبادلها الموده ورايه)
(والحين ساس الحب من بيننا انهاار)= قصة غلا شارفت للنهايه
(ودور البطوله فيه جسدت الادوار )=(خيانتك )دورك ودوري (وفايه)
يقرا بها اللي جاهل حب غدار =تتبه افكاره يعيد القرايه
تحكي لواقع غيرنا ناسٍ اكثار =اللي سبق مروا بنفس الحكايه
بآخذ جروح حاميه كنها نار= وسط الحشا يا وين بلقاء دوايه
(بقفي وبآخذ طعنة الغدر تذكار )= (تذكار حب كان قمة خطايه )
وبمسح على الماضي بتصميم واصرار= وانسى طعونك واستعيد القوايه
(لي عزةٍ تشمخ مثل روس الاشجار)= (آموت ما جيت ألك ابين رجايه)
باعذبك وأهدي لك الثأربالثار=(بعاملك باسلوبك اللي معايه)
برضاء بغيرك دون تفكير واشوار= بسكنه قلبي ويصبح منايه
بعطيه قلبي بعد جازيته أنكار = وبمشي معه درب الغلا بالبدايه
بقولها لك كان طالت بك أقدار = والله ما تلقى وفيًه سوايه
أسمي ترى يشرونه الناس الاحرار= هو منية اللي له مع الطيب رايه
(ولا انت قدرك حفنة تراب وأغبار)=(شفها تحت ما طااااي هذي النهايه)