[معلومات العضو غلا نجد]

تحيه معطره بالمسك والكادي




لمن شرفني بمروره العذب




من ذائقتي اتمنى ان ترقى لسحائبكم

كل شي إلا حدود المقدريه والكرامه=سو مايرضي غرورك بس قدري لا تجيه
لا تلحق نفسك اللي غرتك . . لوم وملامه=وانت سوق الحب ماهو في يديك ومشتريه
كل واحد له مكان وكل شخص وله مقامه=من يبي ينسى الكلافه والرزانه مانبيه
التواضع ربح والمغرور في بعده سلامه=لو يمد الوصل عفت الوصل ومصافح يديه
غرك اللي حبك بحب البداوه والشهامه=وانت ماجربت عشق البدو والحب النزيه
(لا تـبدوا) كل شخص يقيس ماتـقوى عظامه=ثم يشوف اللي بصفه ثم يشوف اللي عليه
(انت حدك مايسدك فالهوى تاصل سنامه)=(ولانت باللي شد حبله . . لين جود غاربيه)
رح فمان الله خل الحال يبقى باحترامه=واحذر اللي مايحده للسفيه إلا السفيه
واحدن للناس . . دايم . . ماتاخر بالتزامه=وارث المعروف ورث . . الله يرحم والديه
ساق لك فنجال عشق وفذتـين من غرامه=طاح فيك ولا يطيح بها لزمان إلا النبيه
لين شافك ماتميز في حلاله من حرامه=والهوى فيديك لعبه وانت منتب مشتهيه
صد عنك وراح يمشي في طريقه باستقامه=وقال كلن في طريقه . . وانس شي تحتريه
قالها مادس راسه . . واستحى مثل النعامه=(قال حدك . . والكرامه خـط (ن) احمر لا تـجيه)