بسم الله الرحمن الرحيم
شله جميله جدا و هي احدى قصائد الشاعر الكبير
((ناصر بن عبدالله السعيد الحباشين المساعره ))
اتمنى ان تعجبكم
والله إني صبور واصبـر مـن الجمـل= اظهر الضحك واخفي في ضميري جروح
لا تكالـب زمانـي ارتـكـي للحـمـل= مثل ضلـع طويـل شامـخ لـه سفـوح
الهبايـب تلوفـه مـا يـكـل ويـمـل= ثابت فـي مكانـه والجبـل مـا يبـوح
الرجال الضواري مثـل هـاك الجبـل =عزوة اللي تعزوى من جروحـه ينـوح
طيبيـن السجايـا ماضيـيـن الفـعـل= الصبر والعزيمة كم بنوا مـن صـروح
ارفع الراس دايم لو حصل مـا حصـل= لا تزعزع كيانك خـل عنـدك طمـوح
اتبع اللـي يعـزك وتـرك اللـي يـذل = رافقق اللي يـودك بالمشـورة نصـوح
من حكى لك حكى بك مثل قـول المثـل = من ضحك لك ضحك بك لو تشوفه مزوح
المكـر والخيانـة مـن صفـات الثعـل= والحـرار الأصيلـة بالثـريـا تـلـوح
لو صفالك زمانـك مـا يـدوم العسـل= الله اللي يـدوم وغيـر وجهـه يـروح
يالله اغفر ذنوبـي عـن جميـع الزلـل=الخطايـا كثيـره والله اللـي سـمـوح