بسم الله الرحمن الرحيم
والصلاة والسلام على اشرف الانبياء والمرسلين وبعد......
قصه وردها لي الوالد عسى ربي يطول عمره وحبيت ان اطرحها.....
كان ال نمر المخاريم و ال فهاد الهواشله (قصره) اي بينهم جيره
يشدون جميع و ينزلون جميع تتبع للحيا....
وكانوا مثل الاسره الواحده غداهم وعشاهم واحد و افراحهم وحده واحزانهم وحده...
وعندما حان وقت الصيف((القيض)) نزلوا ال فهاد على ((وسيع)) شرقي شمال الخرج ونزلوا ال نمر على بير ابن حفيظ الهواشله جنوبي الخرج...وكلٍ اهمل حلاله على عادة اهل الباديه وذات يوم اتت قطعان من ابل ال نمر وارده على وسيع و وجود ال فهاد الابل و حفطوها عندهم.......
و تذكر الشاعر محمد بن فهاد الهواشله رحمه الله جيرتهم مع ال نمر فقال هذه الابيات:
لاجيتهم قل صوبنا هم يشدون=قلهم غوالي ذودهم واردنّا
يامرحبا لاجو وان كان بيجون=واللي سواهم مــ العرب ما شحنّا
لعلهم من دارهم ذيك يدنون=ويازين منزل بيتهم هم واهلنا