السلام عليكم
مساءكم ورد..
ياطول صبري عليه ومطول المده
والنفس مابين مأموره ومنهيه
الحب والشوق والضيقات والصده
حطت على وجهي المقبول ماريه
احدً زهاله سواد الخال في خده
وحدً بخده من هموم الدهر كيه
يقفيبه الشك صوب اللوم ويرده
واذا رجع مالقى الا رسم آثاريه
وتزيد به ضيقت العشاق وتهده
ويبكي على حاجةً ماهي بمبكيه
يزل.... ويقول يمكن ..ماهو بوده
غلطه ويمكن على ماقيل عفويه
حتى ولو قالها قاصد ومن جده
يشفع لحاضر غرامه زين ماضيه
اعشقه وشتاقله وهواه و أوده
ومن الغلا نسبة المليون فالميه
اللد عيني لكن ماهي بمن لده
هو اول الحب في عيني وتاليه
وغر قلبي على النسيان وآحده
لاشك عيا من النسيان موليه
عزي لحالً على فرقاه من حده
وعزي لقلبً الا من حل طاريه
يتوق توق الوحش في كف من هده
لا طار مالد عينه صوب راعيه......
ياشين فرقا اللذي تغليه وتوده
لاصار حيً ولا تقدر على جيه
ياجعل ربي يصبرني على الشده
لين مايجتمع غالي وغاليه
لو طال صبري عليه وطالت المده
ياحي شوفه قبل لا موت ياحيه
حمدان المري