هذي قصيدة للشاعر/فهيد الشهراني
نقلتها من منتدى مزاين
الرويس تغنا بحشاره وهي تستاهل بدون شك بس انا اعشق فزاعه الله يبارك لراعيها
ويكفيها شر الحساد ( امل من الاخوه الاعضاء من الدواسر توصيلها لراعي فزاعه )
انا ما عرفه الا بسلامته ونباه الطيب عند العرب وفزاعه تستاهل منا معلقات مشاءالله عليها
ما غير فزاعه اللي تاخذ الشاره = انا اشهد انها تبيض وجه راعيها
سودا شناح (ن) تشابه هضبت القاره = يصعب على غير بن هذال يقنيها
من زينها اهل النظر والصنف محتاره = سبحانه اللي بتصويره محليها
فيها من الشيخ حلمه زايد وقاره = لاجات تمشي وخلق الله تباريها
وفيها من الفارس الشواش وسطاره = لا شاف عفر البني ترمي غطاويها
الراس قلة حساوي يجني اثماره = من كبرها لا ملاها ماقدر فيها
واطيمس(ن) لا قفيته خشم طياره = لا لزها كافر(ن) والحق مواطيها
والخد صينية(ن)ً اللي دايماً جاره = يقلط على فطحة الحايل ويديها
والاذن ماكنها الا راس غداره = في حقو من جده امن الدم مرويها
والمنحر اللي يشابه مدخل اعماره = بيت اجودي (ن) ضيوفه دوم يقريها
ولحي (ن) تقول إنه سيف الزير في غاره = من فوق وشحا بعيدات ً مغازيها
غزيزة اللي يعد انها اكبر اتجاره = برج العرب لو عرض له مايساويها
شيخ (ن) لخطلان ليدي ما طفت ناره = حتى ولو جار وقته ما يطفيها
رغم اني اطرب لجلاده وحشاره = الا ان فزاعه بقلبي ومغليها
لجا نهار التحدي تاخذ الشاره = سبحانه اللي بتصويره مسويها