اولا : قصيدة الشاعر سلطان الهاجري
نسبة الشك ما تلحـق مـداك ومـداي=يا بعيـد النظـر خلـك بعيـد النظـر
عظم الله عـزاك وعظـم الله عـزاي=في زميل القصيد وفي زميـل العمـر
مير أبعطيك راي وبستمـع منـك راي=بعد اخذنا مـن الدنيـا دروس وعبـر
كل قصـدي بهالدنيـا وغايـة منـاي=في بدايـة عمـر والا نهايـة عمـر
اشعر اني كسبت ارضى جميع ازملاي=وارجو ان المواصـل بيننـا يستمـر
واحتفظ في غلا اصحابي وتحفظ غلاي=ولي وقار وقدر ولهـم وقـار وقـدر
كم صديق رحل منـا ولا هـو بجـاي=غيبتـه المنيـة والقـضـا والـقـدر
وأتمنى مـن أصحابـي تلبـي نـداي=ولك سلامي يا بو فيصل وكل الشكـر
ثانيا : رد حبيب العازمي على القصيدة
يا حميد السجايا ليش تبحـث خفـاي=وانته اللي عن الاحوال عندك خبـر
واعلم أني عن الزلات اقصر خطاي=واحتفظ بالمودة لـو ادوس الخطـر
نظرتـي للأمـام ولا اتلفـت وراي=وكم تجي زلة وارمي بها في بحـر
والله اني حزين ومن عناي وشقـاي=احضر اغياب اخويه بعد موته حضر
ايه اخويه ولو ما صدقوهـا عـداي=عشرة العمر أخير من الذهب والدرر
مير يا بو محمد وانت قمـة رجـاي=دام شرواك حي الي الفخر وافتخـر
نية الخير ارضي والمـروة سمـاي=واقتدي بالنجوم اليـا بـدت والقمـر
أنت راس المروة وانت اعز اصدقاي=وانت سلطان بن وسـام بالمختصـر
منقول