[معلومات العضو طلال الحقباني]

بسم لله الرحمن الرحيم وبه نستعين

يسعدني اخواني أن أنضم الي هذا الصرح الشامخ بشموخ الجبال العوالي
وكلّي شرف وعزّة وشموخ بأن تقبلوني ضيفاً وأخاً محباً لكم

وهذه مشاركة اولى في مرثية لوالدي رحمه الله الذي وافته المنية في ثاني ايام عيد الاضحى المبارك
واسأل الله عزّ وجّل الرحمة له ولجميع اموات المسلمين يارب العالمين

واقول فها:

آه يا بوي يا سود عيني حبابه=آه يابوي يا رمش عيني غطاها
مرحوم يا شريان قلبي رسابه=ساعة دفونك والترايب ثراها
يا رحمة اللّه من عوالي سحابه=تسقي ثراك اللّي رحومه غشاها
رب البشر ما خاب من ارتجابه=يارب رحومك رفرفت في سماها
ترحم هميل الجرح ما هل صبابه=تغشي بروحه رحمتك يا عساها
هذا نصيبه والنصيب ارتضابه=لي من تحدّر في لحوده رضاها
جور المرض عذّب على من سطابه=لوشفت حاله ياللّه يا شقاها
فيه الألم متمكن(ن) من عذابه=جلد(ن) على جمره بروحه وطاها
ما عاد ينفع البكا في نحابه=غير الدعا له ياخفوقي وصاها
من ريحة المسك ونفوحه زهابه=وشْفاتي اللّي من طيوبه رواها
ممشاه عالحب من طبوعه نصابه=حلمه واناته للرّدايا محاها
علّمتني كيف المراجل ذيابه=علّمتني وشلون أرد من عصاها
له بوّل ايّامه فوارس شباب=ما قد فيوم(ن) استعان بحصاها
آه يا بوي زولك لطوّل غيابه=وشلون روحي صبرها لا جفاها
محبوب من يجلس معه يقتدابه=يكرم ضيوفه في ليال وضحاها
أيّام الاوّل في هروجه نشابه=له من حسْ فعله خصايل عطاها
أصله وفي ومنل كرم هو ربابه=وبخطوته قدمه ما ضاعت مشاها
حبّه لغيره حب وفيّن غدابه=وشلون اسلّي خاطري ما نساها
نورك فوجهي لا لمحته ضوابه=يضوي بقايا جيلنا لا ضواها
بمشي على نهجه سلوكه صوابه=ما عاش من يدمح سلوك(ن) سراها

وسلامتكم
اخوكم
أبونور