::: مـنتدى قبيلـة الـدواسـر الـرسمي ::: - عرض مشاركة واحدة - اهداء الى الشيخ عبدالله الفصااااااااااااااااااام
عرض مشاركة واحدة
قديم 12-12-2008, 07:56 PM   #1
 
إحصائية العضو







محمد بن سرحان غير متصل

محمد بن سرحان is on a distinguished road


افتراضي اهداء الى الشيخ عبدالله الفصااااااااااااااااااام

هذة القصيدة مناسبتها بعد اعتذار الشيخ عبدالله الفصاااام من المشاركة في مزاين ام


رقيبة وبعد ظهور الخبر في قناة الساحة اعتقد بعض الاشخاااص بان الاعتذار خوفا


من اهل المجاهيم وليس لترك المجال لغيرة فقمت انا ومعي عدة اشخاص بالرد عليه


في نفس الاجتمااااع وبعدها اتت هذه القصيدة وهي اهداء للشيخ عبدالله الفصام


وللدواسر عامة




اعرف الجبال الراسية واعرف الاوتاد==واعرف اظهر الممتاز والزين والعادي
سمعت الكلام اللي يردد من الحساد==ونطقت الحقيقة من على روس الاشهادي
لاوصلت طحاطيح العرب مالنا مقعاد==لطمنا الضعوف اللي يغثون الاكبادي
اثني سلامي واحترامي لابو فهاد==كريم السبال اللي كسب كل الامجادي
تعذر وذودة مايقارن مع الاذواد==من العام الاول فاهقن كل الاذوادي
تواضع وطيب وساس طيب وسليل امجاد==فعولة معنزها على سلم الاجدادي
لكن لاحصل قوة تنافس وزود عناد==يصير اكبر منافس وفاء واكبر عنادي
خذ الاولة قبل سنة وانشد الاجواد==وراحت ولاعنها من الناس نشادي
وخذ الاولة قدامها يوم كلن حاد==كسبها قدم كل البشر جمع وافرادي
ولو انه حضر في هالسنة فاز كالمعتاد==وتهبد على روس الافاعي تهبادي
راعي بكرة ملحا تنومس وراع شداد==وراعي مجلس عامر ودلة وبرادي
ابو مرحبا ريف النشاما بعيد الماد==ضحوكن حجاجة ماتعقد تعقادي
تساوت شبور اهل المراجل وشبرة زاد==يحوش المعالي والنواميس من غادي
وش انت ووش فعولك ياعنتر يابن شداد==مع اللي نماريبة من بلاد لبلادي
مقامة وجاهه يردع السيف والجلاد==عن اللي ورى الباب بكلبشات وقيادي
مقدر من الحكام والشعب والقياد==محبن لدولة مهبط الوحي ومفادي
ثقيل ورزين وكلمته تلجم النقاد==ليا بان صوته ينكتم كل نقادي
نبيه ونزيه وعند قولة على الميعاد==ليا راغ عن قولة ردي عزم وربادي
على الطيب تبقى سمعته والسيوف حداد==لعل الرجاء للي يبا الطيب ينقادي
مدحته وانا مالي مقاصد واقولة جاد==لكن الليالي عكرت جونا الهادي
دعانا الكلام اللي يروج من الاحقاد==سلاح يثور بدون رماي وزنادي
لكن انت الاول واستلمها يابو فهاد==فخركم فخرنا يالدواسر هل الوادي
تعذرت والا ماتعذرت كالمعتاد==من العام الاول فاهقن كل الاذوادي
لاوصلت طحاطيح العرب مالنا مقعاد==لطمنا الضعوف اللي يغثون الاكبادي





اخوكم




محمد بن سرحان الرياحي البقمي

 

 

 

 

    

رد مع اقتباس