[معلومات العضو ريميه]

السلام عليكم ورحمة الله وبركاتة

هذي قصيده لصقر النصافي يقولها بولده الي توفى والقصيده باسم جزع



:::جزع:::

يا مل قلبي عن وليفه طوى الياس=فاخت مواجهته صباح ومماسي
ماعاد له زول نشوفه مع الناس=ولا سمع بصوته مع جميع الحساسي
منول وياه ممشا ومجلاس=واليوم في قبر رسومه رواسي
يامحترف للرزق مع كل منطاس =الى غفل خطو الرقود الهداسي
الله يبيحه عنده العرف بقياس=مال الردي والطيب عنده تواسي
يضحك لصدقائه ويضحك للنجاس=واللي بقلبه ما لحق له قياسي
ليته يذكر حي لو عند حباس=لو هو بديره ما بها عرف ناسي
لو كان حبسه مدة تاخذا رماس=ذكره على الدنيا ولا قطع ياسي
اما نزوره فوق عجلات الارماس =والا يجي بعد انطلاق الحباسي
والا يا ليته مدة بالمرض داس=اجلس انا واياه وابرد حناسي
لكن جاه الموت قطاع الأنفاس=كسرة عصاتن حطبها يباسي
لا شك قلبي صايبه حب الأفلاس=لا شايف زوله ولا عنه ناسي
اقوم واقعد مثل ملجوج الاضراس=واضحك وانا في خاطري باسي