[معلومات العضو الحريجي]

ابن واصل البدراني الدوسري لاهنت يابن العم .. ** سبحان الله ! تعريف النفاق في كُتب الدين والتوحيد .. يتعلق بالجربوع .. فـ النفاق مأخوذ من النافقاء : احد مخارج الجربوع من جحره .. ونرى هذا جليا ً في جحور الجرابيع .. حيث انها تتكون من عده انفاق لها مخارج .. ** والله يايجي بيننا وبين العيال من بني عمي تحدي لامن جينا نجربع ونفترق كل سته على موتر .. وندوج في ذا الخدان ندور الجرابيع والمجموعه الأقل تنجلد ** نصيحه لجميع من يعشق الجربعه .. الطقيق الطقيق الطقيق .. اي بالفصحى ابتعد من جربوع ٍ يسحبك لـ حلال وابل احدن من العرب الي ساكنين المناطق الي يكون فيها عادة ً الجربعه .. وتجفل ابلهم .. والبل لامن جفلت بالليل مشكله عند اهلها .. ** مره نجربع وقربنا من أبل واحدن من الربع دوسري من الغييثات وجفلناها روعناها.. ألا هو ظاهرن بسلاحه يثور وحطينا رجلنا .. وصفق بالسواق الي يسوق لأنه تمادى لدرجه انه مافكر بذا العرب الرقود الممسين .. ** لعلي شطحت شطحه واردفت بعض المواقف .. اعذرني يابن واصل .. ** تقديري ..