[معلومات العضو محمد الهويشلي]

جيت اشتكي لك همي اللي دوابـي === هم(ن) سطى بالقلب واشعل سعيره
ياابوفهـد والله محـد(ن) درابـي === عايش حياتي بين هم(ن) وحيـره
شكواي لك يامسندي من صوابـي === من جور همي والمدامـع اسيـره
جيت اشتكي لك حبها اللي سطابي === حب(ن) طفح بالقلب يكفي عشيره
شوق العيون اللي تداوي مصابي === حتى عروق القلب تشكي مصيـره
في بورصة الاحباب سهمه كتابي === دومه مع الاخضر يواصل مسيـره
ضيعت ياخالي من الحـب بابـي === ولقيت عيني من شقاهـا سهيـره
جيتك انا محتـار همـي طغابـي === ابي الدليـل بحكمتـك والمشيـره
ياابوفهد وان كان حبـه سرابـي === تعبت ادور فـي سرابـه غديـره
بينت لك يامسنـدي كـل مابـي === يمكن يكون ابوحي اليـوم خيـره

واليكم الصدى:




للعز ناس وسيف عـزك سطابـي === من عقب ماضيع معانـي جفيـره
اصبح من الملاك من غيـر طابـي === وبوسط قلب الحب عيـن سفيـره
شابت به الايـام والوقـت شابـي === والنفس من فرقى الحبايب خطيـره
لايافهد ماغبت والصـوت غابـي === هيضت في شكواك خافي سريـره
ادميتني ولامست بيـدك صوابـي === وذكرتني يـوم المدامـع سهيـره
يومي هويت وضاع تالي شبابـي === وادميت رجلي والخطاوي ضريـره
تطري علي واموت من حر مابـي === واضحك وروحي من عناها كسيره
حاولـت اكتـب مانفعنـي كتابـي === اسير عين وعين تكشـف نذيـره
يامارويت وكن شـي(ن) روابـي === أليـن شفتـه وارتويـت بغديـره
وياماسهرت وكـن ليلـي غدابـي === حتى لمحته فـي شعرهـا تثيـره
وان قلت هالرمـان بالخـد رابـي === تشوف نظرة حقد بعيـون غيـره
حتى الكرز هيض بقلبـي صوابـي === من شاف نفسه في شفاته اسيـره
لوقلت مت شلون؟ مدري ولا ابـي === شي(ن) به الاحساس ضايع مصيره
ماجيت لك لايافهـد فـي عتابـي === أبين المحضور وأكشـف ستيـره
هذا الهوى مايعترف فـي جنابـي === حتى الملوك بحضرتـه مستجيـره
لاقال طاب الوقت فالوقـت طابـي === والنـار نـاره لوبغاهـا سعيـره
وزبدة كلامي يافهد فـي خطابـي === حكمة بها كـل العـوارف خبيـره
اصبر وصابر واصطبـر لاتحابـي === هي كتبـت الله علهـا دوم خيـره

وســــــــــــلامتـــــ كـــــمـ