[معلومات العضو ابو طارد]

قصيده للشاعر /عبيان اليامي
اتمنى اتنال اعجابكم

للطيب طيب وللمواقـف رجاجيـل =وللخيل سرج وللركايـب الأشـدّه
والحجه اللـي مايجيهـا حلاحيـل =تبطي وهـي هـدّه وتاتـي بهـدّه
والوقت بيّن لي رجال(ن) معاليـل = باصد منهـا صدتـي والله صـدّه
والقلب لاصارت عروقـه مغاليـل =ماينفعـك راعيـه لـو زاد نــدّه
والشيخ لاصارت يدينـه مكابيـل =إليا اعتزا في الضيق ينفـه جـدّه
والرجل لاصارت قصوره مداهيـل =الطيـب طيبـه والـردي مايعـدّه
نسل الرجال اللي فحول(ن) مشاكيل =افعولهـا طـول الدهـر مستبـدة
أهل الكرم والطيب واهل المعاميـل =ستر الرفيق ومن غدى الوقت ضدّه
ماتنهزع من قايـل القـال والقيـل =اسيوفهـا طـول الدهـر مستعـدّه
ياليل ياماسـك حلـوق المهابيـل =ياستر نـاس(ن) فاقديـن المـودّه
الطير ابو جنحان راعي المقابيـل =يعجبك لامنّـه كفـخ فـي مـردّه
طير(ن) مسمينه على أبو مظاليـل =واتلى العهد به يـوم لـوّح بيـدّه
قد له ثمان سنين يلبـس خلاخيـل =وارموشه السـودا تخابـط بخـدّه
وانا على الدنيا مخاوي رجاجيـل =ومالـي ومـال مكبريـن المخـدّه

وسلامتكم ،،،،