بسم الله الرحمن الرحيم
السلام عليكم ورحمة الله وبركاته
هذي قصيدة قالها الشاعر / إبراهيم بن عبد الرحمن بن ذيب ال عريمه الودعاني
الدوسري في الأمير فيحان بن خلف بن فيحان بن قويد رحمه الله قبل وفاته بشهرين و
مناسبتها أنه سمع قصيدة للأمير فيحان لا يحضرني منها إلا بيتين :
يا لحيتي من خبيث الريح ماجوره =يعبالها العود الأزرق في مثانيها
تكفون يا لابتي في لاعب الكوره =اللي يعرف الصلاة ولا يصليها
فقال الشاعر هذه القصيدة مجاراة لقصيدة الأمير فيحان رحمه الله :
يقول من كلمته بالحق مصخــوره=جلّ القوارع إلـــى غنىّ يقــــــــديّها
الشعر لا من بغيته صف طابــوره=و اخليّ العجـــف و الجزلات انقيّها
قم يا نديبي ترحّل فوق مزبـــــوره =باعٍ نحـــرهــا منّجفـــــةٍ اياديـــــها
لا رّوحت مع طمان الريع مذعوره =القـاع كنها تطمـــّنهـــا و تعليــــها
منصاك من رايته بالعز منشــــوره=مجنى حــــرارٍ منتبـــــةٍ مجانيـــها
المشكل اللي يعرفون العرب دوره =ترثة شيوخٍ تجرّ المــــجد بيديـــــها
فيحان له طاعة الله راس مذخــوره =تجارةٍ حالف إنــــهّ ما يخليـــــــــها
وفيحان يوم الجهل من قبل أخونوره=يارد حياض الوغى والنفس يصخيها
وفيحان من يومها بالصـاع مبــــذوره =تندى صحونه وجلّ الذود يهديــــها
وفيحان لاعسمت الاشـوار لا شـوره =مثل القمر في الغداري صاطع فيها
والقول لا ضيعه من يجهـل بحــوره =اللي يريد القوادي مير يخطيــــــها
فيحان له كلمة بالحـــق مـشهـــــوره= يومي علمها على من كان يوحيهـا
وقد قيل في كلمة من قبـل مذكـــوره =الدر طيبه من البل فــــي مفاليـــها
واللحيه اللي من الدخان مـاجـــــوره =الا من العود الازرق فـي مثانيــها
تستاهل الطيب ياللي تبغـض الكوره =تدل طيب المعاني وانت راعيــــها