طيب الله اوقاتكم بكل خير
لعذوبة المعنى
صولة وجوله
امتياز يحققه
عن جداره
لم لا اذا كان بحجم فـــارس الــحــرف ومــطـــوع الـــقـــيفـــــان
بــــرجــــس الـــعــــواد
أطرد شعاع الشمس ويزيدني ياس=سود السحايب تفترش دونه غيوم
يتليه ليلٍ تحتبس منه الانفاس=مأتم سماء حدّت على بدره نجوم
في كل ساعه ينبش الجرح هوجاس=يصطاد من عيني على حزّة النوم
ما ينعذل. لوطوّق الباب حرّاس=عوّد على الشباك ويدوّر خروم
قام يتشكل لي على كل الأجناس=بالضاد يغريني وينشد عن الروم
يحذف بصخر القدس في حفلة اعراس=ويقطف من الزيتون في سلّة الثوم
ورّاني الصوره على جناح قرناس=صورة غرابٍ متّكي له على بوم
إن قلت يمكن .. قالوا الناس وسواس=وإن قلت كلاّ ..عوّد الطير للحوم
سمعتك يابن ادم على اوراق كراس=حذراك من مزع الورق وانت مرسوم
ثـمّ يتعرّضها مع الريح بلاّس=ويشرونها الشمات مع حبّة خشوم
واعلم يقين ان الغنى روح الأفلاس=للّي يطبّ السّوق دلاّل ويسوم
واتبع خطى حيٍّ تحت ذيك الاطعاس=بردٍ على الاصحاب نارٍ على القوم
وإن تاعت الافراس مع درب الانجاس=اطلق عنان الصوت يومٍ ورا يوم
درهم ياموت العزّ واشبع من الراس=إن قسّمت ما بين ميّت ومضيوم
عشّة فقيرٍ يتّقي لومة الناس=أخير من قصرٍ لحق صاحبه لوم