بسم الله الرحمن الرحيم
أبيات (حربيه)
للشاعر مفرج بن ناصر بن جنبان المخاريم قالها بمناسبة حفل زواج الشاب
((سعد بن مقعد بن عجب القواسيه المخاريم))
يا سلامي يا هل الجود و الفعل الجزيل=يا رجالٍ طيبكم من قديمات السنين
يالهواجر في الضماير لكم قدرٍ جليل=وبنسبكم نفتخر يالرجال الطيبين
يا هل الناموس والطيب مروين الصقيل=طيبكم تشهد به الناس و السيف السنين
فعلكم يعرف ليا نطح خيل وجه خيل=ما تهابون المنايا و ذا علمٍ يقين
العدو من فعلكم ذا صويب وذا قتيل=ومن نخاكم في الشدايد لقا النصر المبين
الكرم طبعٍ لكم يا هل الفعل الجميل=يوم شح الوقت ما تذبحون الا السمين
وانتم اجزال العطايا ليا شح البخيل=و كل قاسي لا نويتوه بإذن الله يلين
قلتها وانا الدواسر مزبنة الدخيل=ودارنا حامينها من يدين المعتدين