يابـو مناحـي لا تطالبنـي بويـش الجـديـد=والجـديـد عـلـوم فــال الله ولا فـالـهـا
لو إن قلبـي قـد خلقـه الله ليـه مـن حديـد=أستغفـر الله شبـت عروقـه وذاب بجالـهـا
من خوف راعي البيت لمطرف بهجرانه يزيـد=وتزيـد علـة صاحبـك وتحاسبـه لاشالـهـا
لو إنها أدلت بعذر(ن) لوهـو عـذر(ن) بليـد=حق(ن) علي أصبر علـى تطنيشهـا وإهمالهـا
ما يذبحك يـا العاشـق إلا الغيبـه بليـا مفيـد=مهمـا تـحللها بتتعـب مـن كثـر حلالـهـا
ياما نشدت الليل لـه والحـر والبـرد الشديـد=عنهـا ماجابـو خبـر فـي حلهـا وترحالهـا
موسوعة لزين فـي شـرح الجمـال الفريـد=وخلاصـة اليوسفـيـه أنتـجـت جمالـهـا
عيونها مخمل وثلـج وحولهـا يحـرس عبيـد=وأنا حـرارة عشـق أميعهـا دمـع وأسعالهـا
وألمها قبل تساقـط ليـن أكـون لـي رصيـد=وأضمها بباطن يـدي وأرش وجـه وصالهـا
وخدودها صبح(ن) على شروقه توجادي نشيـد=الله يعمـي عيـن حاسدهـا ويبيـد أنذالـهـا
سكبت جسد وحجاج ورموش(ن) تضيعني وجيد=قمـة جمـال منزلـه مـن راسهـا لخلخالهـا
إلى أختفت ملامحـي وحسيـت بأنـي فقيـد=دور علي مـن تحـت شفتهـا إلـى سلسالهـا
راح عيـد وراح عيـد وبعـد يوميـن عـيـد=مسـكـره بيبانـهـا ومقـفـلـه جـوالـهـا
يافوح صدري من توحادي و أنا مانـي وحيـد=غصب(ن) علي نفسي تخلوا بنفسهـا بلحالهـا
تخاف من سطوة ووسـواس اللعيـن المريـد=يأثـر علـى تفكيرهـا ويحطنـي فـي بالهـا
سهومها يمـي تراسلنـي وأنـا قلبـي بريـد=مـا ينقطـع تعذيبهـا لـو أنقطـع أرسالـهـا
ياليت مالي في كتاب أعمالها ذنـوب وقصيـد=وليت المقادير الخبيثـه مـا عقدتلـي حبالهـا