اخواني الاعزاء ,,,
بعد السلام,,,
مبروووك عليكم هذا الشهر الفضيل ..
وجعلنا الله وأياكم من قوامه ومن صوامـــه
امابعد,,
فهذه قصيدة قلتها ترحيب بالاخ /
تركي بن بخيتان بن ضافي بمناسبة زيارته لنا في قطر
وهي اهداء له ولجميع بني عمنا المخاريم
والسموحه كان به قصووور..
أعداد ما هلّت على الارض الأمزان =واعدادمن فالحج لابس حرامه
واعداد ما يارد على العد ضميان = واعداد من عاش رمضانً وصامه
يا مرحبا حييت يا ابن بخيتان = يالصاحب اللي كاسيته القرامه
حرً ولد حرَ ومن روس عربان = نالوا من المجد المسمى سنامه
وان قيل منهم قلت ذولاء هل الشان =لاد المنيعي محتمين الجهامه
ربعن ليا حل القشر فعلهم بان = وهاماتهم تعلوا على كل هامه
ويشهد على قولي فما قلت سبعان = يومنهم وردوا عدود الندامه
من عقب ماصاروا كما الذيب والضان= وهجوا من الديره هجيج النعامه
فيا من نويت من المخاريم كسبان = كسبك الا منك كسبت السلامه
ولو اكتب فمدح المخاريم من لآن = حتى على ما قيل يوم القيامه
جف القلم ما اوفيت خطلان الايمان = حقوقهم وانا علي الملامه
فيا الله يا خالق من الطين الانسان == يا خالق هلال الشهور وتمامه
تعطي ديرهم من عطاء الوسم ودان = حتى ديرهم تكتسي بالخزامه
وارجوا السموحه كان فالهرج نقصان =منهو مدحكم ما يوفي كلامه
انتم هل الطولات وانتم هل الشان = لاد المنيعي محتمين الجهامه
فيا من نويت من المخاريم كسبان = كسبك الا منك كسبت السلامه
وسلامتكم,,,,