السلام عليكم ورحمه الله وبركاته
هذا مرثيه لي سالم بن ضرمان الخييلات في عمه هيف ابن ناصر ابن هيف الخييلات الدوسري
أبدا بذكر الله وأطلبه وأرجيه *** أنه يوفقنا لطاعته ورضاه
لاخاب طلابه وخاب داعيه *** جزل العطايا لطلب عبده أعطاه
من بعد ذكر الله كلامي بثنيه *** على نبيِ كرم الله محيًاه
صلاه ربي كل محل طاريه *** الهاشمي ألي على الحق ممشاه
من بعد ذا يالابتي والخبر فيه *** علم لفاني ضيق الصدر وشقاه
رحل لنا عوداً نحبه ونغليه *** في ليله الاثنين جاه القدر جاه
مرحوم ياعوداً توفاه واليه *** عسى جنان الخلد داره ومثواه
وعساه في قبره يناظر مبانيه *** يارب واكتب له من النار منجاه
يالله طلبتك عودنا لاتعنيه *** يارب ثبت كلمته في الملاقاه
الشايب الخير طلبتك تهنيه *** عبدك رجع لك بيدك اليوم دعواه
الحي لامن مات تذكر حسانيه *** وماقدم المخلوق لابد يلقاه
راعي وصل والطيب شيد مبانيه *** هيف السمين الي بعيد معشاه
هذا كلام الصدق ياجاهلٍ فيه *** ياسعد عين الي يخاويه سعداه
لاضاعت الافكار والعلم جافيه *** تظهر أعلومه مع مضاريب شلفاه
أبمدحه لاشك مالي فخر فيه *** الشايب الي تفعل الطيب يمناه
جيته وأنا حافي الرجل ناصيه *** مسلم اقصد شوفته وابغى أرضاه
والله ماجيتهمن اجل شي ناويه *** لاشك ذا عوداَ عديمه سجاياه
رحب وهلل وأطيب القول مبديه *** ياطيب منطوقه ومحلا حكاياه
قال انتبه لي قلت يابوي لبيه *** حذرا تروح وشايبك لاتعداه
وعند الموادع حط يدي بيديه *** واهداني الوانيت لنج وعاباه
والحر يشهر فوق محدِ يوازيه *** ولاكل رجال يسوس سواياه
مشهود له من قبلنا في معانيه *** الطيب حازه مير حنا كتبناه
تلقا الشجاعه والكرم والوصل فيه* ** يشهد بقولي لابهَ من دناياه
حول بوسط البير لذيب يفنيه *** حول عليه وربطه بعد ما أدماه
يامكرم الظيفان والجار مقريه *** ياجعلها لك في حسابك موفاه
أبوي هيف الي فلانيب ناسيه *** يالله ياربي تكرم ملحاه
يالله ياربي تعلي مبانيه *** وأنا تساعدنا على حر فرقاه