[معلومات العضو ولدالشيوخ]

السلام عليكم ورحمة الله وبركاته
كيف احوالكم عساكم طيبين وشلون الشيبان والربع وشلون الذود وهل الديره عساهم بخير
مالكم في الطويله
انا تحفيتكم عشان الموضوع جلسه على الضو في البر
اكيد كل واحد منا مر على هذه الجلسه وانبسط فيها خاصه اذ صار فيه ناس كبار في السن من الوالدين او الاقارب ويسولفون سوالف البدو الاوله وانا بقولكم وحده من ها السوالف انشاء الله تعجبكم وعذروني على التعبير لاني بنقل السالفه زي ماسمعتها من الراوي...
قال الراوي كان فيه واحدٍ من الاولين يقاله الغيهبان وكان فارس بس انه مسوي روحه خبل ويلعب مع البزران وماخذ له عصى وراكب عليها ويقول هاذي فرسي والبزران وراه
وله ام واخو
قال اخوه لامه انا ابي اتزوج قالت امه رح اسأل اخوك قال اروح اسألي خبل قالت رح بس وخذ كلامه قال خلاص بروح يوم جاء اخوه قاله ياخوي انا بتزوج وش رايك طبعن اخوه راكب عصاه قاله لاتاخذ ام الحرس ولا ام الجرس ولا عشيبة الغار ووخر عن الفرس الي هي العصى وطق العصى ومشى رجع اخوه لامه وقالها مرسلتني لها الخبل
قالت علمني بس وش قالك قال قالي كذا وكذا قالت عطاك العلم قال وش العلم مافهمت شي قالت ام الحرس الي معها بزران وام الجرس هي الي تعارض الطروش
وعشيبة الغار هي الي ماضرت بالشغل والتعب اي ناعمه